22:16 - 3.09.2026

---

3 Sentyabr, Fineko/abc.az. Almaniyanın aparıcı tədqiqat institutları (Ifo, IfW, RWI və DIW Berlin) ilin birinci yarısında qeydə alınan gözlənilməz müsbət dinamikadan sonra ölkə iqtisadiyyatının ÜDM artımı üzrə proqnozlarını yuxarı yönlü yeniləyiblər.

"Ifo" İnstitutunun hesabatına əsasən, Almaniya iqtisadiyyatının 2026-cı il üzrə artım proqnozu 0,8%-dən 1,4%-ə, 2027-ci il üçün isə 1,2%-ə qaldırılıb. Bərpa prosesinə 40 milyard avroluq dövlət stimullaşdırma paketləri, infrastruktur xərcləri və ixracatın canlanması təkan verib.

Bununla belə, Yaxın Şərqdəki münaqişə səbəbindən yüksək qalan enerji qiymətləri, inflyasiya riskləri (2026-cı ildə orta hesabla 2,8%) və artan büdcə kəsiri iqtisadiyyat üçün əsas təhdidlər olaraq qalır.