17:08 - 6.10.2026

---

6 Oktyabr, Fineko/abc.az. Qlobal hökumətlər, məhkəmə orqanları və özəl şirkətlər "Meta"nın "Ray-Ban" modeli ilə geniş kütləyə yayılan ağıllı eynəklərin (smart glasses) istifadəsinə məhdudiyyətlərin tətbiqini və mövcud hüquqi çərçivələrin yenidən nəzərdən keçirilməsini müzakirə edirlər.

Qərarın qəbul edilməsinə əsas səbəb bu cihazların konfidensial məlumatları, məxfi sənədləri və insanları onların xəbəri olmadan gizli şəkildə lentə almaq, fotoşəkil çəkmək və ya səs yazmaq üçün istifadə edilə bilməsi riskidir.

Ekspertlər bildirirlər ki, vizual olaraq adi eynəklərdən fərqlənməyən bu texnologiyalar şəxsi həyatın toxunulmazlığı və məxfilik hüquqları ilə bağlı ciddi narahatlıqlar yaradır. Bir çox ölkədə tənzimləyici qurumlar, xüsusilə dövlət müəssisələrində, məhkəmələrdə, maliyyə institutlarında və strateji obyektlərdə məlumat təhlükəsizliyini təmin etmək üçün ağıllı eynəklərin istifadəsinə qarşı sərt tənzimləmə mexanizmləri hazırlayırlar.